Bu resimlerde 1501 senesi Meñli Geray han tarafından tesis etilgen Bağçasaraydaki birinci qırımtatar aliy oquv yurtu Zıncırlı medrese binasını köresiñiz.
Oquv yurtu 1921 senesine qadar çalışqan edi. Medresede türk dünyasınıñ çoq belli erbabı tasil aldı. Sovet ükümeti devrinde medrese territoriyası psihiatrik hastahane olaraq qullanıldı. Bina viran etilgen edi (birinci eki fotoresim 1991 senesi yapılğan).
2000 seneleri bina Han Sarayı müzey kompleksine teslim etildi. Türk sponsorlarınıñ parasınen medrese pek yahşı tamir etildi. Onıñ içi iç bir vaqıt boş olmadı ve turistlerge tolu edi.
Şimdi aylar devamında qırımtatarlarnıñ medeniy asabalığı obyekti kilitke qapatılğan, bu yerde ekskursiyalar keçirilmey. Qırımtatar medeniyeti incisini Bağçasarayğa Rusiyeniñ 20 regionından kelgen Bütün Rusiye tatar halq ağız yaratacılığı festivaliniñ iştirakçileri de körip olamadı.
Tatarlarnıñ medeniyet ve tasil tarihı kimden saqlanıla?
Rifkat YAKUPOV
