Qırım taqiqat komiteti «Tvoya gazeta» («Seniñ gazeta») Aluşta neşriniñ tesisçisi ve muarririne, bunen beraber, yerli şeer şurası deputatına qarşı cinaiy iş açtı – birincisi şantaj ve ticariy satıp aluvnen, ekincisi ise, satıp aluvda iştirak etkeninen qabaatlana.
Bu aqta müessiseniñ matbuat hızmetinde bildirdiler.
Taqiqatnıñ malümatına binaen, muarrir deputattan 150 biñ ruble almağa istedi. Plan boyunca, bu para içün kütleviy haber vastası deputatnı ve onıñ temsil etken firqanı aqaretlegen malümatnı paylaşmamaq kerek edi. Ortaqlar olaraq, o öz tanışlarını, bu cümleden, diger deputatnı celp etti – olar zararlanğannı aytılğan qorquzmalarnıñ ömürge keçirile bilecegi kerçek olğanında ve muarrirge paranıñ berilmesi kerek olğanında işandırmaq kerek edi.
Oktâbr 4-te para teslim etilgen vaqıtta FSB hadimleri muarrir ve deputat-ortaqnı yaqaladı, dep qayd eteler taqiqat komitetinde.
Muarrir yaqalandı. Cinaiy iş taqiq etile.
