«Yelena» paromınıñ «Qırım» limanına yanaşqanda «Hyundai Santa Fe» avtomobiliniñ damı bozuldı.
«Paromnıñ iskelege yanaşqanda kögerte gemicisi arqannı ata, sailci ise, onı tuta, arqannı knehtke bağlay, soñra arqannı kene paromğa ata. Bu sefer arqannı öyle attılar ki, rezina ucu maşnanıñ damını bozdı», — dep añlattı şaat.
Vaqia yüz bergen yerge uquq qoruyıcı organlarınıñ hadimleri keldi. İlk malümatlarğa binaen, damnıñ tamir etilmesi içün yarım million ruble kerek olacaqtır.
Soñki ay devamında bu, Keriç keçitinde yüz bergen ekinci bu kibi vaqia oldı. Sentâbr 16-da Keriç keçitinde maşna paromdan deñizge tüşti. «Protoporos IV» paromı iskelege yanaşqanda «Lada» avtomobiliniñ aydavcısı, operatornıñ emirini beklemeyip, areket etmege başladı ve deñizge tüşti.
