Aqmescit (Simferopol) rayonında qız, selfie yapıp, 10 metrlik qayadan yıqıldı.
Bu aqta Fevqulade vaziyetler nazirligi Qırım idaresiniñ matbuat hızmeti bildire.
Tip hadimleri zararlanğan kişini öz küçünen tahliye etip olamadı ve vaqia yüz bergen yerge qurtarıcılarnı çağırdı.
28 yaşındaki qız kezgende qaya ucunda özüni fotoresimge almağa istedi, abındı ve tüşti.
Qurtarıcılar zararlanğan qıznı Çoqurça qobası rayonında tik capta taptı, onıñ tas kemigi ve sanı yaralandı. Mahsus qattı sediye vastasınen qurtarıcılar qıznı acele yardım maşnasına ketirdi.
Özüni fotoresimge aluvnen bağlı bir qaç facialı vaqia yüz bergen soñ, Rusiyede selfie havfı aqqında cemaat kampaniyası başlatılğan edi.
Avdetniñ bildirgenine binaen, yazda aman-aman faciağa çevirecek selfie ile bağlı vaqia Aqyar Komsomol bala parkında yüz berdi. Qorqqan at ve poni skemleni asfalttan çıqardı. Ayvanlarnıñ yolunda, yahşı ki, adamlar rastkelmedi.
