Aqmescitteki Mokrousov adına 7 sanlı mektepte bu seneden başlap birinci sınıf talebeleri cınsiy mensüplik boyunca ayırıldı.
Kütleviy haber vastalarınıñ bildirgenine köre, oğlanlar ve qızlar 10 yaşına qadar ayrı sınıflarda oquycaq. Balalarğa berilecek derslerniñ miqdarı ve tasil programması aynı olacaq.
Mektep müdiri Yelena Havçenko böyle eksperimentniñ keçirilmesini oğlan ve qız balalarınıñ on yaşına qadar farqlı inkişaf etkeninen añlata.
«Oğlanlar, muvafaqiyetli ve ğayretli qızlar yanında özüni biraz muvafaqiyetsiz duymasın dep, olarnıñ daa bu çerikni yekünlemek imkânı bar», – dep qayd etti o «Krım 24» telekanalınıñ yayınında.
Ayırılğan tasil ile böyle yañılıq Qırımda ХХ-ci asır başından ilk sefer kirsetildi. Fikir eki sebepten peyda oldı: birinciden, bu, tasil ceryanını çeşit-çeşit ve daa keñ etecektir, ekinciden, mütehassıslarnıñ fikrince, bu, balalarnıñ inkişafına yol berecektir.
