Göñülliler Kezlev civarındaki «Aqquş adası» yanında dört öldürilgen aqquşnı taptı.
«Yaralarğa köre, aqquşlar horlandı, tayaqnen uruldı. Mal ekimleri boyun yarası, qanat yarasını taptı, bunen beraber, uruv neticesinde onıñ (quşnıñ, – muar.) ğağa üst parçası qopuq edi», – dep bildirdi göñülli Aleksandr Latışev.
Bunen beraber onıñ haber etkenine köre, mal ekimleri quşnı bir kün devamında qurtarmağa tırıştı, amma qurtarıp olamadı, dep bildire «MK Qırımda».
Qayd etmek kerek ki, Kezlev civarındaki «Aqquş adası» ayrı saqlanılğan tabiat toprağı ola, onıñ resmiy adı da bar – «Sasıq» Devlet tabiat qoruğı.
