Qırımda orta aylıq ve fiyatlar belgilendi

10.10.201611:00

Devlet statistika federal hızmetiniñ (Rosstat) malümatına binaen, 2016 senesi iyül ayında Rusiye Federatsiyasında orta aylıq miqdarı 35 biñ 888 rubleni teşkil etti, Rusiye Federatsiyasında 2016 senesi avgust ayında istimal malları ve hızmetleri qayd etilgen taqımınıñ fiyatı ise, 14 biñ 13 rubleni teşkil etti.

10_10_2016_rosstat

Rusiye Federatsiyasınıñ bazı subyektlerinde orta aylıq ve istimal malları ve hızmetleri qayd etilgen taqımınıñ fiyatı boyunca Rosstat malümatı.

Derc etilgen malümatqa binaen, Qırım sakinleri iyül ayı içün belgilengen avgust ayında alğan orta aylıq, Rusiye boyunca orta aylıqqa köre, 11 biñ ruble azcadır. Aynı vaqıtta, istimal malları ve hızmetleri qayd etilgen taqımınıñ fiyatı, Rusiye boyunca olğanından, tek 1500 ruble azcadır, dep bildire «KafaNews».

Фото аватара

Автор: Редакция Avdet

Редакция AVDET