Aqmescitte oktâbr 12 sabası qırımtatarlarnıñ evlerinde tintüvlerden başlandı

12.10.20169:30

Bugün, oktâbr 12-de rusiyeli uquq qoruyıcılar Boğurça qasabasında yaşağan Rustem İsmailov (32 yaşında), Mamaq (Strogonovka) köyünde yaşağan Emil Cemadinov, Uzair Abdullayev ve Teymur Abdullayevniñ (42 ve 41 yaşında) evlerinde tintüvler keçire.

Bu aqta adliyeci Edem Semedlâyev Facebook saifesinde bildirdi.

Tintüv keçirilmesiniñ sebebi şimdilik belli degil.

Adliyeci Emil Kurbedinovnıñ malümatına binaen, tintüvler dindar musulman qırımtatarlarnıñ evlerinde keçirile, olarnıñ bazıları yaqında acılıqtan qayttı.

Adliyeci Edem Semedlâyevniñ bildirgenine köre, Qırım musulmanları, Allahtan yardım sorap, dua ete.

Author: Редакция Avdet

Avdet gazetası