Aqmescitte Şefiqa Gaspıralınıñ 130 yıllığına bağışlanğan seminar keçirilecek

13.10.201617:20

Oktâbr 14-te Qırımtatar medeniy-tarihiy asabalıq müzeyinde Şefiqa Gaspıralınıñ 130 yıllığına bağışlanğan ilmiy-ameliy seminar keçirilecek.

2016 senesi belli qırımtatar mühbiri, cemaat erbabı Şefiqa Gaspıralınıñ doğğan kününden 130 yıl tola.

QAVE.TV matbuat hızmetiniñ malümatına binaen, seminarda İsmail Kerimov, Nariman Abdulvaap, Elmira Abdullayeva, Gulnar Seitvaniyeva, Elvina Denislâmova maruzalarını taqdim etecekler.

Merasim saat 14:00-te başlanacaq.

Author: Редакция Avdet

Avdet gazetası