Bugün «Hizb ut-Tahrir» işi boyunca yañı yaqalanğanlar mahküm etilecek

13.10.201610:20

Oktâbr 13-te Aqmescit rayonındaki Boğurça (Kamenka) ve Mamaq (Strogonovka) köylerinde yaşağan beş qırımtatar mahküm etilecek.

Oktâbr 12-de rusiyeli uquq qoruyıcılar dindar qırımtatarlarnıñ evlerinde tintüvler keçirdi, musulmanlarnıñ bazıları yaqında acılıqtan qayttı. Aqmescitteki Boğurça qasabasında yaşağan Rustem İsmailovda tintüv keçirgen soñ, uquq qoruyıcılar onıñ babası Yaqub İsmailovnıñ Qarasuvbazardaki evine yol aldı.

Rustem İsmailov, Emil Cemadinov, Uzair Abdullayev, Teymur Abdullayev, Ayder Saledinov Rusiyede terroristik tanılğan «Hizb ut-Tahrir» teşkilâtınıñ faaliyetinde iştirak etkeninen qabaatlana.

Oktâbr 12-de babaları yaqalanğan beş qırımtatar qorantasında 18 bala öse.

Teymur Abdullayev – beş bala, bir bala bir yaştan kiçik.

Uzair Abdullayev – dört bala.

Ayder Saledinov – dört bala, bir bala bir yaştan kiçik.

Emil Cemadinov – eki bala ve ağırayaqlı apay.

Rustem İsmailov – üç bala.

Фото аватара

Автор: Редакция Avdet

Редакция AVDET