Qırımda eki yaşındaki bala qazadan soñ komağa tüşti

13.10.201611:10

Yedi Quyu rayonında yüz bergen qaza neticesinde eki yaşındaki bala baş yaralarını aldı ve komağa tüşti.

Bu aqta Qırım yol inspektsiyasınıñ matbuat hızmeti bildire.

Müessisede qayd ettiler ki, 2016 senesi oktâbr 11-de Canköy – Kefe-Keriç yolunda «VAZ-21013» maşnasınıñ 1985 senesi doğma aydavcısı, Keriç tarafından Kefe tarafına ketip, yoldan apansızdan çıqtı. Bundan soñ maşna avdarıldı.

«Qaza neticesinde «VAZ-21013» maşnasınıñ çağına yetmegen, 2014 senesi doğğan yolcusı zararlandı. Diagnoz: ağır qafa-miy yarası, baş miyi ezigi, 1-ci-2-ci seviyedeki koma», – dep haber ettiler Qırım yol inspektsiyasında.

Фото аватара

Автор: Редакция Avdet

Редакция AVDET