Öz ikâyeñni yaşlar içün hatırla: Server Abkerimovnıñ hatıraları

17.10.201613:06
сервер абкеримов

«Öz ikâyeñni yaşlar içün hatırla» rubrikası çerçivesinde, birinci olaraq, qırımtatar milliy areketi veteranı Server Abkerimov genç vatandaşlarınen öz hatıralarınen paylaşa.сервер абкеримов

Bu fotoresim meni 1966 senesine qaytarıp ketire. O vaqıt, çoq şeyni – ömür, serbestlikni – telükege qoyıp, amma halqnıñ Vatanğa avdeti ğayesinen ögge ketip, çoq yıllıq tecribesine (toplaşuvlar, imza cıyması, telegramma yollaması, beyannameler tarqatması) esaslanıp, teşebbüsçilerniñ büyük taqımı Moskvağa Merkeziy Komitetke baracaq, dep qarar alındı.

Belli «aqıl merkezi» Ceppar Akimov tarafından taqdirlengen toplaşuv qararınen, Begovattan yollanılacaqlar sırasına men de tüştim. Moskvağa kelip, epimiz bir qaç kün devamında sabadan aqşamğa qadar qabul etüvni bekley edik, ve niayet, halq muracaatını tesim etip olğanımız kün keldi. Muzakerelerden soñ, neiçündir TOM-kitabını hususan men taqdim etecegim aqqında qarar alındı, kitapnıñ cıltı qırmızı plüşten yapılğan, içinde cam tübünde bütün muracaatlar, cedveller, imzalar edi.

3

Saba safdaşlarnen beraber firqa Merkeziy Komitetine yol aldıq. O yerde bu TOM-nı MK qabulhanesine teslim ettim, mesüliyetli, qabul etip, müür qoydı ve rafqa qoydı. Ruhlanıp,bizni niayet añlaycaqlar, bu deşetli hatanı tüzetecekler dep, binadan çıqtım. Yanımda Esma apte bar edi (o vaqıt o Moskvada yaşay edi). O vaqıt o menden soradı: «Qardaşım, vesiqanı qabul etkende elimizge bir şey bermediler de?» Qaytıp, bu aqta soradım ve böyle cevap aldım: «Arqadaşlar! Siz MK-ğa teslim etesiz de!!! Bunen er şey añlatıla!» Amma bir sene keçti, Vatanğa avdet içün küreş devam ete edi. Kene de teşebbüsçiler taqımı ile Moskvada bulundım… Bu fotoresimde bütün iştirakçiler degil (bazıları kadr tışında qaldı… «körünmesinler» dep, olarnıñ öz işi bar edi).

Avdet büyüklerimizni davet ete: öz ikâyeñizni, bizler, yaşlar içün, hatırlañız. Bu, bizni ruhlandıracaq ve bizge küçlü ve alicenaplı olmağa yardım etecek.

Фото аватара

Автор: Редакция Avdet

Редакция AVDET