Keçken cumaertesi künü, üyleden soñ Aluştadaki «Alıye parusa» pansionatında yanğın yüz berdi.
Fevqulade vaziyetler nazirliginiñ Qırım idaresi matbuat hızmetiniñ bildirgenine köre, istiraat evi odalarından biri yandı.
Üç qatlı binanıñ ekinci qatındaki oda yanıp başladı. Yanğın meydanı 30 kvadrat metrni teşkil etti.
«Şahsiy taqım birden ateşni söndürmege başladı. 15 daqqa içinde yanğın yoq etildi», – dep qayd ettiler Fevqulade vaziyetler nazirliginde.
Yanğın neticesinde zararlanğanlar yoq, onıñ sebebini ekspertler ögrenecek.
