Aqmescitte cep telefonı içün qırımtatar ilâvesi taqdim etildi

18.10.201614:35

Oktâbr 17-de İ. Gasprinskiy adına qırımtatar kitaphanesinde cep telefonı içün ilâveniñ – qırımtatar Canlı Luğatınıñ taqdimi teşkil etildi.

İlâve «Medeniy Qırım» qırımtatar yaşları teşebbüsçi taqımı tarafından, Qırım ve Aqyar musulmanları diniy idaresi (QMDİ) desteginen işlep çıqarıldı.

Elektron luğatnıñ esas maqsadı – ana tili inkişafıdır.

«Endi er istegen adam qırımtatar tilini bilüv seviyesini arttıra bile. Bunen beraber, luğat içün yañı sözlerni teklif ete bileceksiñiz. Mütehassıs-tilşınaslar teşkerip tasdıqlağan soñ, bu sözler ilâvede peyda olacaq», – dep bildireler «Medeniy Qırım» taqımında.

İlâveni Google PlayMarket ve AppStore-den endirmek mümkün.

http://canlilugat.com.

Doğru endirüv içün linkler:

https://play.google.com/store/apps/details?id=com.can.. – Google PlayMarket

https://appsto.re/ru/GUm6eb.i – AppStore

http://canlilugat.com/downloads/canlilugat.apk – Google PlayMarket-ten endirmek imkânı olmağanlar içün sayttan doğru endirmek.

Bundan evel Avdet bu kibi ilâveniñ yapılğanı aqqında bildirgen edi.

Author: Редакция Avdet

Avdet gazetası