Aksönov Qırımda milletlerara munasebetler meselelerini şahsen nezaret etecek

19.10.20169:00

Qırım yolbaşçısı Sergey Aksönov Qırımda milletlerara munasebetler meselelerini şahsen nezaret etecek.

Bu aqta memur Milletlerara munasebetler ve sürgün etilgen vatandaşlar meseleleri boyunca Devlet komiteti yolbaşçısı Zaur Smirnov ile körüşüvde ilân etti.

«Milletlerara munasebetler – eñ müim yönelişlerden biridir, ve bu Qırım Cumhuriyetiniñ nezaretini talap ete. Bu munasebet ile, nezaret etüvni boynuma almağa qarar aldım. Bunıñ içün, bugünki künden (oktâbr 17 – Avdet)  başlap, siziñ müdiriñiz cumhuriyet yolbaşçısı olacaq», – dep bildire Aksönovnıñ sözlerini onıñ matbuat hızmeti.

Bundan evel bu meselelerni baş nazir muavini Ruslan Balbek nezaret astında tuta edi.

Author: Редакция Avdet

Avdet gazetası