Keriçte Deykalo soqağı rayonında eki yaşındaki bala kanalizatsiya ağzına (lük) tüşti.
Bu aqta «Bizim gazeta» bildire.
Neşirniñ malümatına binaen, vaqia qız soqaqta anasınen kezgen vaqıtta yüz berdi.
Balağa andan çıqmağa yanından keçken insan yardım etti; yigit qıznı çuqurdan çıqardı, acele yardım birden çağırıldı.
Qıznıñ ayaqları ve başı yaralandı. Şimdiki vaqıtta o, yerli hastahanelerden biriniñ neyrohirurgiya bölüginde buluna.
Qayd etilgenine köre, vaqia beş kün evel yüz berdi, amma kanalizatsiya ağzı alâ daa qapatılmadı. Çuqur terenligi eki metrden ziyadedir.
