Suriye Qırımnıñ Rusiye qısmı olğanını tanıdı

20.10.20168:25

Suriyede Qırımnıñ Rusiye qısmı olğanını tanıylar.

Bu aqta Suriye parlamenti reisi Hadiya Abbas oktâbr 19-da, çarşenbe künü Sputnik agentligine bergen intervyusında bildirdi.

O hatırlattı ki, Qırım bundan evel Sovet Birliginiñ qısmı edi ve, referendum neticelerine binaen, «öz yerine qayttı».

«Olar [yarımada sakinleri] öz devletinen birleşmege qarar aldı (…) Qırımnıñ Rusiyeniñ ayırılmaz parçası olğanını tanıymız», – dep bildire RİA Novosti agentligi Abbasnıñ sözlerini.

Parlament reisi qayd etti ki, Suriye ve Rusiye arasındaki munasebetler strategik ve perspektivdir.

«Ve biz rusiyeli ükümet ile işbu munasebetlerni bütün saalarda inkişaf etmek içün çalışacaqmız: siyasiy, iqtisadiy, içtimaiy ve konsullıq bile», – dep qayd etti o.