Aqmescit Cuma camisiniñ aşağı qatında Qırım islâm medeniyeti müzeyi yerleştirilecek.
Bu aqta Qırım müftisiniñ muavini Ayder İsmailov «Sputnik» radiostantsiyasına bergen intervyusında bildirdi.
Aynı bu yerde tasil merkezi de teşkil etilecek.
«Cami altında sınıflar, islâmnen bağlı doğru malümat almağa er istegen kişi bilgi ala bilecek odalar, idare binasında konferentsiya salonı olacaq, bu yerde tasil merasimleri keçirilecek», – dedi İsmailov, dep bildire «RİA-Krım» agentligi.
Oktâbr 28-de Aqmescitte Yaltinskaya soqağında Cuma cami temeli qoyulmasına bağışlanğan tantanalı merasim keçirildi, bu yarımada musulmanlarınıñ esas diniy obyekti olacaqtır.
