Öksüz balalar içün Kezlev şifahane-reabilitatsion merkezinde bala zararlandı.
Bu aqta «İskra» portalı, «Yevpatoriya kuryerı» neşriniñ malümatına esaslanıp, bildire.
Neşirniñ malümatına binaen, şifahanede raatlanğan mektep talebeleri arasında dava yüz berdi. Sekizinci sınıf talebesi olardan birini, dostunı qorçalağan Samara vilâyetinden kelgen altıncı sınıf talebesini maqasnen betine urdı.
Nevbetçi ekim zararlanğan balanı baqtı, yaranı temizletti ve sarğınen bağladı.
«Kelecek saba zararlanğan balanıñ alı yaramaylaştı. Müessise memuriyeti Kezlev bala klinik hastahanesine muracaat etmege mecbur oldı. Bu yerde oğlanğa ameliyat yapıldı ve yarağa tikiş qoyuldı. Balağa ameliyat yapqan ekim soñ ayttı ki, daa bir millimetr yaqınca yara yapılğan olsa edi, yuqu arteriyası zararlanır, bunıñ neticesi mıtlaqa ölüm olur edi», – dep yaza neşir.
Bundan soñ bala şifahanege qayttı, şimdiki vaqıtta o, ekimlerniñ nezareti astında buluna, tedaviylenüv ve tikiş alınmasını bekley.
