Bağçasarayda tarihiy asabalıq saqlavı muzakere etildi

01.11.20169:40
круглый стол в бахчисарае

Qırım tarihiy müzey-qoruğında «Bağçasaray tarihiy asabalığını saqlav» mevzulı tögerek masa teşkil etildi.

Bu aqta müzey tesisçisi Guliver Altın bildirdi.

Merasimde nam qazanğan Qırım mimarları, ressamları, cemaat erbapları ve Bağçasaray sakinleri iştirak etti.

Tögerek masada iştirakçiler qararnı qabul etti, vesiqağa binaen, Bağçasaray tarihiy obyektleriniñ alınen bağlı «kergin vaziyet pek kederlete ve devlet ükümetiniñ mütenasip yuqarı organları memurlarınıñ deral kirişmesini talap ete».

Merasim iştirakçileri Bağçasaray tarihiy körünişini saqlav boyunca konferentsiyanı keçirmek teşebbüsini bildirdi, bunen beraber, rezolütsiyanı, Rusiye Federatsiyası ve Qırım Cumhuriyeti yuqarı memurlarına açıq muracaat olaraq tanımağa çağırdı.

kruglyj-stol

Guliver Altınnıñ hatırlatqanına binaen, 2015 senesi sentâbr ayında Rusiye prezidenti Vladimir Putin, Bağçasaraynı ziyaret etip, şeerniñ tarihiy qısmı tamir etilmesine federal bücetten 300 million ruble ayırdı. İşbu para Bağçasaraynıñ tarihiy qısmı esas infratsruktura obyektleriniñ tolusınen tamir etmek içün yetmek kerek edi.

Avdetniñ bildirgenine köre, Guliver Altın Bağçasaray tarihiy asabalığını saqlav boyunca «Bağçasaraynı saqlayıq» kampaniyası teşkil etilmesiniñ teşebbüsçisi oldı. O, cemaat erbaplarını ve mühbirlerni işbu aktsiyağa qoltutmağa çağırdı.

Bu künleri aktsiya çerçivesinde yol işleri ve Bağçasaraynıñ tarihiy qısmınıñ saqlanması meseleleri muzakere etildi.