Zera Emirsuinden ava tahmini / Noyabr

01.11.201610:15

Küzniñ poçta qutusında,
Apansızdan – qış mektüpleri.

Suvuq. Adada suvuq. Buzlu yağmur tereklerden soñki yapraqlarnı qopardı, qaysı birleri yol kenarına yapışa, avto köpçekleri tübünde taya, ayaqqap tübüne yapışa. Qış, dağ boğazlarına qar avuçlarını atıp, tınğan ormannı yañı yağğan qar qatınen örttip, yalılarğa dalğalar şamarlarını urıp, Adağa yanından keçkende kirdi. Noyabrge keçer gecesi ay körünecek, -1+2 derecenen ceplerge yıldız kristallarını tökecek, çöllerde -2+1 yanğıravuq akisseda yanğıracaq. Ay-Petriniñ boş töpelerinde ise, Yañı yıl gecesiniñ repetitsiyası: -3-5 derece olğanda qar yağacaq.

AMMA! Endi çarşenbe künü noyabr 2-de Qırımğa cenübiy yel kelecek, o, Adanı qaqar, taqvimge kösterecek ve endi noyabr 3-te +13+15 derecege qadar sütlü qave pişirecek.

Gece pencerelerini +10+12 derecenen açacaq.

Noyabr 4 künü sılaq ayaqqabınen +10 olacaq.

Cumaertesi +9+11 derecenen yağmurlarnen ağlaycaq.

Bazar – köz qamaştırğan küneş, köpük bulutlarnıñ qısımları ve +12+14.

Yañı afta sentâbrge daldıracaq +17+19.

Фото аватара

Автор: Редакция Avdet

Редакция AVDET