QMPU rektorı Fevzi Yaqubov vazifesinden boşatıla

03.11.201612:20

Qırım müendislik ve pedagogika universitetiniñ rektorı, tehnikiy ilimler doktorı, professor Fevzi Yaqubov vazifesinden boşatıla.

Avdetniñ elde etken malümatına binaen, bugün professor ve ocalar terkibine ve aliy oquv yurtu taqımına yañı rektor ve rektor muavinleri taqdim etilecek. Yaqubovnıñ yerini kim alacağı aqqında malümat daa belli degil.

Qırım müendislik ve pedagogika universiteti 1993 senesi, sürgünlikten qaytqan halqlarnıñ ihtiyaçları köz ögüne alınıp, teşkil etildi. Universitet ihtisaslarınıñ yarısından ziyade IV-ci seviye boyunca akkreditatsiyadan keçken, umumen olaraq, aliy oquv yurtunıñ IV-ci seviye akkreditatsiyası bar. Kelecek sene universitetniñ birinci rektorı 80 yaşını tolduracaq.