«Genbank» şirketiniñ yolbaşçıları yüzden ziyade bölükniñ qapatılması aqqında ilân etti. Böyle qararnıñ sebebi, sıñırlı hızmetler taqdim etken ve eñ evelâ turistlerge hızmetler taqdim etken ofislerniñ kelirsiz olğanı oldı.
«Genbank» strukturasınıñ eyileştirilmesi siyasetini devam etip, bunen beraber, kurort mevsimi yekünlengeni munasebetinen, bank reberiyeti Qırım yarımadasında eñ evelâ turistlerge hızmetlerni taqdim etken, sıñırlı hızmetler cedveli olğan 100-den ziyade ofisni qapatmaq qararını aldı», – dep aytıla bank teşkilâtı matbuat hızmetiniñ beyanatında.
Bankta bildirgenlerine köre, olarnıñ esas vazifesi, kelirniñ yüksek seviyesini teminlemek, müşteriler içün maliye meselelerini çezüv saasında işanılacaq ortaq qalmaqtır.
Elde etilgen malümatqa binaen, bank evel çalışqan bütün regionlarda işini devam etmege planlaştıra. Bunen beraber, bölüklerniñ şekli deñişe. Bu, bütün bank hızmetlerini, bu cümleden, ipoteka, avtokredit ve uquqiy şahıslarğa berilgen hızmetlerni taqdim etken ofisler olacaqtır.
