Tünevin, noyabr 7-de Aqmescit mahkemesi qırımtatar milliy areketi faali Nedim Halilovnı Rusiyeden çıqarmaq qararını aldı.
Bugün Nedim Halilov dostlarına bildirdi ki, Soçige, filtrleme noqtasına keldi, bu yerde bir qaç ay devamında, Özbekistanğa sürgün etilecegine qadar bulunacaq.
Halilovnıñ arqadaşı Zevid Gaziyevniñ Facebook saifesinde bildirgenine köre, faalniñ şahsiy vesiqalarından tek Sovet birligi pasportı bar (başqası yoq). Tünevin o, bir qaç sefer bağğa çıqqan ve Gaziyevge telefon etken edi.
«Men bir qaç sual berdim: Parañ barmı? dedi ki: bir kapık bile yoq. Bugün aşadıñmı? – Saba qave içtim. Kiyimden bir şey aldıñmı? – Yoq, evge yibermediler. Menim içün qasevetlenme, er şey yahşı. Bağ üzüldi», – dep añlattı Zevid Gaziyev.
Nedim Halilov özüni mustaqil ekspert, qırımtatar faali olğanını aytqan edi. O, em Rusiyede yasaqlanğan Meclisni, em de ameldeki Qırım ve Rusiye ükümetini tenqit etken edi.
