Qırımda eki avtomobil qadınnı urdı ve coyulıp ketti

10.11.201615:05

Noyabr 8-de Aqmescit-Krasnoperekopsk yolunda eki maşna qadınnı urdı. Aydavcılarnıñ ekisi de vaqia yüz bergen yerden ketti. Endi Qırım Devlet avtoinspektsiyası (DAİ) vaqia şaatlarını qıdıra.

DAİ matbuat hızmetiniñ bildirgenine köre, belgilenmegen aydavcı, belgilenmegen avtomobilni (tahminlerge köre, VAZ 2107-05) aydap, Krasnoperekopsk tarafından Aqmescit tarafına ketkende 99-cı kilometrde +050 m. yolcunı urdı. Bunen beraber DAİ-de qayd ettiler ki, qadınnıñ şahsiyeti de belgilenmegen. Tahminlerge köre, qadın 40-50 yaşındadır. O, yolnı cayav keçitinden tış keçe edi.

Bundan soñ, Aqmescit tarafından Krasnoperekopsk tarafına ketken, tahminlerge köre, külrenki Volkswagen B6 avtomobiliniñ belgilenmegen aydavcı bir daa yolcu üstünden keçti. Avtomobiller aydavcılarınıñ ekisi de vaqia yüz bergen yerden ketti. Qaza neticesinde yolcu elâk oldı.

GİBDD, vaqianıñ şaatları olğan Qırım sakinlerini ve yarımada musafirlerini Qırım Cumhuriyeti boyunca İçki işler nazirliginiñ GİBDD idaresiniñ nevbetçi bölügine nevbetteki telefon nomerası vastasınen haber etmege çağıra: (0652)668-700 ya da 102.

Фото аватара

Автор: Редакция Avdet

Редакция AVDET