ATR telekanalı Kiyevde ilk qırımtatar yırcılarınıñ gala-kontsertini teşkil etecek. Merasim noyabr 27-de keçirilecek.
Aqşam soñunda Ukraina halq yırcısı, «Eurovision-2016» halqara yarışınıñ ğalibi, qırımtatar yırcısı Jamala sanağa çıqacaq.
Kontsert teşkilâtçılarınıñ qayd etkenlerine köre, Ukrainada ilk sefer «Vatan sesı» şiarınen eñ parlaq qırımtatar yırcıları toplaşacaq.
Programmada Üsein Bekirov, Elvira Sarıhalil, Elina Sosnovskaya, Seyran 7’62, Reyana Kadırova, Seytabla Memetov, Femiy Mustafayev, Aliye Hacabadinova, Elzara Batalova ve digerleri iştirak etecekler.
Kontsert Kiyevdeki Freedom Event Hall (Kirillovskaya soqagı, 134) sanasında keçirilecek. Merasim saat 19.00-da başlanacaq.
