Arheologlar ekspeditsiyası Aqyarda Malahov qurğanı rayonında Qırım cenki vaqtındaki yeraltı müendis obyektlerini taptı.
Bu aqta «Rosbalt», Rusiye İlimler akademiyası Maddiy medeniyet tarihı institutındaki menbağa esaslanıp, yaza.
Yeraltı kiriş ve aletler mağazı arbiy müendis, general Eduard Totlebenniñ planlarında qayd etilgen, amma bunıñ bar olğanı aqqında şimdiki vaqıtqa qadar belli degil edi.
Kiriş yıqtırılğan, bu yer taşlar ve çamurğa tolu, onı daa çoq vaqıt devaımda araştırmaq kerek olur, amma şimdi endi aytmaq mümkün ki, merdiven terenlikke alıp bara – tahminen 6 metr. O yerde, eñ azdan, 20 basamaq bardır.
Tahminlerge köre, yerastı yol bütün qale (bastion) tübünde keçip, duşmannıñ noqtaları turğan tarafından orğa kete edi. Tedqiqatçılarnıñ fikrince, bu yol mina galereyası, yani yerastı cenk elementi olaraq qurula edi.
Qırım cenki vaqtında Malahov qurğanı, mudafaa sol qanatınıñ esas noqtası olğan. Bu yerde frenk ordusı eñ ğadaplı ücümler etken edi, amma qurğannı tek on bir ay devam etken uruştan soñ elde etti.
Malahov qurğanınıñ 1941-1942 ss. Aqyar mudafaasında da büyük rolü oldı.
