Keriçte beş yaşındaki qıznı soqaqlarda yürgen köpek tişledi.
Bu aqta balanıñ anası Yelena haber etti.
Onıñ sözlerine binaen, vaqia cumaertesi künü, noyabr 12-de, Kavkazskaya soqağı ve Remeslennıy aralığınıñ çatışması rayonında yüz berdi. Bala azbarda kezgen edi.
«Köpek qıznıñ ayağına yapıştı, bir qaç insan onı quvıp olamağan edi. Qızım, elbet, pek qorqtı. Endi azbarğa çıqmağa qorqa», – ayttı Keriç sakini, dep bildire «AN-Krım».
Qıznıñ anası ümüt ete ki, memuriyet yolbaşçısı şeerde soqaqlarda yaşağan köpekler meselesine diqqat etecek.
