Keriçteki Budennogo soqağında yerleşken daireli evlerden biriniñ sakinleri, olarnıñ rayonında soqaqlarda yaşağan köpekler toplaşqanı içün, evden çıqmağa qorqa.
10-15 köpekten ibaret sürü keçken adamlarnı qorquza ve gece yuqlamağa bermey.
«Olar, bayağı yaramazlar. Öz ara kötekleşe, keçken adamlarnı qorquza, gece-kündüz üre. Aqşam işten qaytmaq qorqunçlıdır. Şeer memuriyeti serseriy ayvanlar meselesini çezecek olamı eken, bilmek ister edik?», – dep ayta Keriç sakinleri, bildire «KerchFM».
Avdetniñ evel bildirgenine köre, Keriçte beş yaşındaki qıznı soqaqlarda yürgen köpek tişledi. Vaqia noyabr 12-de Kavkazskaya soqağı ve Remeslennıy aralığınıñ çatışması rayonında yüz berdi. Bala azbarda kezgen edi.
