Noyabr 14-te Yaltada, Vergasov soqağı, 16 adresi boyunca yerleşken çoq daireli evde yüz bergen yanğın otuzdan ziyade adamnı evsiz qaldırdı.
Fevqulade vaziyetler nazirliginiñ Qırım idaresi matbuat hızmetiniñ malümatına binaen, ateş eki qatlı binanıñ 200 kvadrat metrni qaplap aldı.
Qurtarıcılar kelgence, sakinler öz küçünen yanğan evni terk etti.
Yanğın neticesinde binanıñ ekinci qatı ve damı bütünley yandı. Şimdiki vaqıtta yanğan evniñ sakinleri Çehov adına İcat evinde yerleştirildi.
