Qazadan soñ sağ qalğan Qırım sakininiñ yaqınları oña yardım etmege çağıra

16.11.201616:05

Qaza neticesinde sağ qalğan Qarasuvbazar rayonındaki Zuya köyü sakini Eskender Arifov Yalta şahsiy klinikalarınıñ birinde paalı tedaviylenüvge muhtac.

Onıñ apayı Emmara Arifova lâqayt olmağanlardan yardım soray.

Emmara Arifovanıñ añlatqanına köre, 2014 senesi oktâbr ayında Eskender yolnı keçkende, onı maşna urdı. Neticede aqay kişi komağa tüşti. Bir afta keçken soñ komadan çıqtı, amma «vegetativ» alda edi.

«Çoq şey oldı, amma onıñ yüregi sağlam olğanı içün ve yahşı baqılğanı içün 2015 senesi aprel ayında o vegetativ aldan çıqtı. Şimdiki vaqıtta Eskender biznen qonuşa, amma er kesni tanımay, ve çoq şeyni hatırlamay ve onı añlamaq ağır, çünki neler aytqanını añlamaq ağır. O daa yataqta yata, özü oturıp olamay. Ğaliba, adım adımdan ögge ketemiz, amma 1,5 yıl keçti, o, öyle de yataqqa bağlı, oña mahsus tibbiy reabilitatsiya kerek», – dep añlattı Emmara Arifova.

Onıñ malümatına köre, ekimler ayttı ki, Eskenderge yardım etmek mümkün, amma bu pek paalı olacaqtır – 981 456 ruble (bu para 8 aftalıq tedaviylenüv içün kerek olacaq).

«Men, oca aylığını alıp, bunı yaqın vaqıtta ömürge keçirip olamam. Lütfen, yardım etiñiz. Mennen nevbetteki telefon nomeri vastasınen bağlanmaq mümkün: +79788387567, Emmara. Evelden er keske minnetdarlığımnı bildirem!» – dep çağırdı Eskenderniñ apayı.

eskender1

Yardım etmek içün malümat:

Alıcı bankı: RNKB Bank, Aqmescit (Simferopol) şeeri, k/esap: 30101810335100000607, BİK 043510607, İNN 7701105460.

Alıcı Arifova Emmara Yekubovna

Şahıs esabı: 40817810242520010574

RNKB kartı: 6054 7000 4194 8552 alıcı Erifova Emmara.

Фото аватара

Автор: Редакция Avdet

Редакция AVDET