Ahtem Çiygozğa qol tutmaq içün Qırım Yuqarı mahkemesine kelgen qırımtatar faalleri sıcaq ve lezetli borşçnen sıylandı.
Bu aqta qırımtatar milliy areketiniñ iştirakçisi Nariman Celâl Facebook saifesinde bildirdi.
«Bugün borşç. Lezetli ve, eñ müimi, sıcaqtır. Allah bereket bersin!» – dep yazdı o.
Sıcaq aşlarnı qırımtatar milliy areketiniñ veteranı Enver Muslâdinovnıñ apayı Fera-Sultan hanım azırladı.
Muslâdinovlar qorantası ara-sıra qırımtatar faallerine böyle şekilde destek köstere.
