Aksönov akimiyet tarafından uyğunlaştırılmağan ticaretke qarşı küreşke OMON-nı celp etecek ola

17.11.20169:00

Qırım yolbaşçısı Sergey Aksönov Bağçasarayda akimiyet tarafından uyğunlaştırılmağan ticaretke qarşı küreşke OMON ve politsiyanı celp etmek kerek olğanı aqqında ilân etti.

«Bağçasarayda politsiya ve OMON ile beraber çıqmaq kerek olur. Olarnıñ, cinayetçilerniñ, gruppası qurucılıq meydançığında öz-özüne köy hocalığı mahsulatı ticaretini alıp bara – adamlardan para ala. Er şeyni boş berdiler, arsız insanlar», – dep bildire Aksönovnıñ sözlerini «Krıminform».

Ticaret içün ayırılmağan yerlerde alıp barılğan ticaret ya da hızmetler içün eñ kiçik para cezası ekiden beş biñ rublege qadar yükseldi.

Kelişmegen yerlerde alıp barılğan ticaret içün para cezasınıñ yükselmesinden ğayrı, qanun boyunca, ğayrı statsionar ticaret obyektlerine uyğunlaşma vesiqaları olmağanı içün memuriy mesüliyet közde tutula: haber etüv ya da vatandaşlar içün 2,5 biñ rublege qadar ceza, resmiy şahıslar içün – 5-ten 15 biñ rublege qadar, uquqiy şahıslar içün – 50-den 100 biñ rublege qadar para cezası.