Rusiye baş naziri Dmitriy Medvedev amerikano qavesini «rusiano» dep adlandırmağa teklif etti. Bunı o, Avrasiya ükümetlerara şurasınıñ toplaşuvı devamında ayttı.
Toplaşuv neticesinde Medvedev qayd etti ki, Beyaz Rusiye memurları «özüni pek konstruktiv alıp bardı». Buna cevap olaraq, Beyaz Rusiye ükümetiniñ yolbaşçısı ayttı ki, oña qave yardım etti.
«Dey ki, maña amerikano beriñiz, – dep ayttı Dmitriy Medvedev toplaşuv iştirakçilerinden birine. – Bu, aslında siyasiy taraftan nezaketsizdir. Keliñiz, amerikanoğa başqa ad bereyik! «Rusiano», – dep teklif etti baş nazir.
Avdetniñ evel bildirgenine köre, Qırım yolbaşçısı Sergey Aksönov ecnebiy sözlerden vazgeçmege çağırğan edi. Böyleliknen, Qırım yolbaşçısı ve cumhuriyet baş nazirniñ muavini Dmitriy Polonskiy «fleşmob» sözü yerine «halq eglenceleri» dep aytmağa añlaştı.
