Noyabr 17-de, cumaaqşamı künü Ukraina Yuqarı Radası «Ukraina Bücet kodeksine tüzetmeler kirsetilmesi aqqında (Qırım Muhtar Cumhuriyeti ve Aqyar şeeri teleradio şirketlerine destek programmalarınen alâqalı)» 5333 sanlı qanunını qabul etti.
İşbu qanun leyhasına 228 halq deputatı rey berdi, dört deputat qarşı oldı ve eki kişi bitaraf oldı.
Ukraina Bücet kodeksine tüzetmeler kirsetilmesi, Nazirler kabinetine bu sene Qırım ve Aqyar territoriyasında çalışqan teleradio şirketlerine ve, eñ evelâ, ATR telekanalına destek köstermek içün bücet parasını teslim etmege yardım etecek.
İşbu qanun leyhasını parlament işi planlarına kirsetmek teşebbüsini Ukraina baş naziri Vladimir Groysman bildirdi.
