Ekspertler Qırımda ORVİ hastalığı epidemiyasınıñ töpe noqtası ne vaqıt olacağını tahmin etti

18.11.20169:47

Qırımda keskin nefes virus infektsiyası (ORVİ) hastalığı epidemiyasınıñ töpe noqtası qışnıñ eñ suvuq vaqtında, 2017 senesi yanvar-fevral ayları olacaqtır.

Qırım Cumhuriyeti ve Aqyar boyunca Rusiye Sağlıq saqlav saasında nezaret boyunca Federal hızmetiniñ (Roszdravnadzor) yolbaşçısı Vasiliy Klimov ilân etti ki, ilâchane teşkilâtları mevsim hastalıqlarınıñ tarqatılmasına azırlana. O, ealini panikağa oğramamağa çağırdı.

«Oksolin meleminden ve şahsiy maskalardan ğayrı, aşılama aqqında da unutmamalı», – dep ayta Vasiliy Klimov.

Qırımda 2016 senesine qadar endi ealiniñ 80-den ziyade faizi aşılama aldı, şimdiki vaqıtta iş devam ete, dep qayd ete memur. Aşılama olğan kişi de hastalana bilgenine baqmadan, Klimov ep bir bu aşılamanı almağa tevsiye ete, çünki böyle alda hastalıq daa qolay keçe.

Фото аватара

Автор: Редакция Avdet

Редакция AVDET