Aqmescitte zemaneviy qırımtatar nesirleri diñlenildi

21.11.20168:30

Noyabr 19-da Aqmescitteki «Alem» etnorestoranında zemaneviy qırımtatar nesiri aqşamı keçirildi.

Yazıcılar Aliye Kence-Ali ve Seyare Kökçe qırımtatar ziyalıları, talebeler ve yaş faallerni öz icadınen tanış etti. Olar, qısqa ikâyelerini ve şaqalı esselerini oqudı, öz icadı aqqında añlattı ve merasim musafirleriniñ fikirlerini diñledi.

Yaş yazıcı Aliye Kence-Aliniñ sözlerine binaen, bütün bu kibi merasimlerge daima kelgen oquyıcılar da bar.

«Bugün olar bizge çoq çiçek ve yahşı sözler bağışladı», – dep ayttı Aliye.

Merasimde Reyana Kadırova qırımtatar türkülerini yırladı.

Aliye Kence-Ali – şair ve nesirci, Qırım Yazıcılar birligi azası, «Cenk olsa», «Yüregim – quş», «Quru Özen» ve diger şiirleriniñ müellifi, bunen beraber, Ulu Cian cenki, qırımtatarlarnıñ sürgün etilmesi ve vatanğa avdeti mevzularına bağışlanğan ikâyelerniñ müellifi ola.

Seyare Kökçe – şair, yazıcı, «Mende tek sen barsıñ», «Men ketmem!», «Men doğdım…» ikâyeleriniñ, «Ep bir baar kelecek», «Kelme artımdan» ve diger şiirleriniñ müellifi, «Bağçasaray – 2021» cıyıntığınıñ müelliflerinden biri ola.

İcadiy aqşam, «Qardaşlıq» cemaat teşkilâtı tarafından teşkil etilgen «Edebiyat aqşamları» leyhası çerçivesinde qırımtatar şairlerinen beraberlikte «Alem» qavehanesinde keçirildi.

alem_krymskotatarskaya-proza_8

Foto: Elmira İbraimova

alem_krymskotatarskaya-proza_7

alem_krymskotatarskaya-proza_6

alem_krymskotatarskaya-proza_9

alem_krymskotatarskaya-proza_5

alem_krymskotatarskaya-proza_1

alem_krymskotatarskaya-proza_3

alem_krymskotatarskaya-proza_2

img_2585

Фото аватара

Автор: Редакция Avdet

Редакция AVDET