Kiyevde Qırımğa ziyaretler içün devlet hadimlerini yaqalaycaq olalar

21.11.201612:44

Ukraina Yuqarı Radası deputatlarınıñ gruppası devlet hadimlerini Qırımnı, bunen beraber, öz-özüni ilân etken Donetsk ve Lugansk halq cumhuriyetleri territoriyasını ziyaret etkenleri içün cinaiy mesüliyetke celp etmege teklif ete.

Bu aqta parlamentte qayd etilgen qanun leyhasında aytıla.

Vesiqağa binaen, bu topraqlarğa kiriş qaideleri bozulğanı içün vatandaşlarnıñ bergilendirilmegen kelirleriniñ 50-ge qadar minimumı miqdarında para cezasınıñ kirsetilmesi teklif etile.

«Strana.ua» qayd etkenine köre, minimum 17 grivnadan ibaret, yani 850 grivna (tahminen 2100 ruble) aqqında söz yürsetile.

Ekinci sefer qaide bozulması içün, insan, üç yılğa qadar belgilengen vazifelerni eda etmek ya da belgilengen faaliyet alıp barmaq aqqından marum etilip, altı ayğa qadar apiske qapatıla bile.

Bu deñişmeler, qanun leyhasında qayd etilgenine köre, hızmet etken arbiy insanlarnen bağlı degil.

Фото аватара

Автор: Редакция Avdet

Редакция AVDET