Qırım ükümeti eñ yaqın vaqıtta Yedi Quyu (Lenino) rayonında karantin kirsetmege planlaştıra, bu yerde Afrika domuz vebası (çuma) hastalığı qayd etildi.
Bu aqta Qırım yolbaşçısı Sergey Aksönov bildirdi.
«Şimdiki vaqıtta bütün sıñırlatma tedbirleri aqqında vesiqalar imzalandı, şimdi (karantinni) kirseteler, baqalar ki, qaysı biri birinci karantin zonası olur», – dep ayttı Aksönov.
Qırımnıñ Yedi Quyu rayonındaki Meskeçi (Pesoçnoye) köyünde veterinarlar Afrika domuz vebası hastalığını qayd etti, soñki malümatlarğa binaen, o yerde 180 domuzdan 100 danesi öldi.
