«Sudaq qalesi» müzey-qoruğınıñ müdiresi, vazifesini aşqanı sebebinden qabaatlandı.
Taqiqatnıñ malümatına binaen, 2016 senesi yazda o, hadimlerine onıñ şahsiy evi territoriyasında iş vaqtında, olarnı müzey territoriyasında esas işlerinden alıp, qurucılıq işlerini alıp barmağa qanunsız emir etti. Bundan soñ o, müessiseniñ aylıq fondundan olarğa 100 biñden ziyade ruble töledi.
Bunen beraber, 2016 senesi aprel ayında müdire, hadimleriniñ biriniñ aqrabası ile «Funk Daçası» müzeyiniñ maddiy degerleri ve obyektniñ qurulması boyunca sahte añlaşma tizdi. Alğan paranı o, qabaatlanğan kişige teslim etti, dep bildire «AN – Krım» agentligi.
