«Golos.Deti» («Ses.Balalar») bala istidatı yarışı üçünci mevsiminiñ iştirakçisi Elina İvaşenko ekinci turda Jamalanıñ «1944» yırını icra etti.
Qıznıñ şouda idmancısı Tina Karol, em de diger idmancılar, qayd ettiler ki, bu türkü pek qıyın, amma Elina onı güzel şekilde icra etti, bunen beraber olar, Jamalağa «Eurovision» yarışında ğalebe qazanğanı içün teşekkür bildirdi.
«Jamala meni bağışlasın, amma sen bu yırnı qısmen daa güzel yırladıñ, çünki sen balasıñ», – dep ayttı Tina Karol.
Jamala iştirakçini maqtadı ve oña muvafaqiyet tiledi.
Elina yırlağanda Tina Karol ve seyirciler közyaşlarını saqlamay edi.
Avdetniñ bildirgenine köre, Jamala «Golos krayini» («Memleket sesi») vokal leyhasınıñ 7-ci mevsiminde idmancı olacaq.
