Bugün saba Aluştadaki Kastel (Vinogradnoye) köyünde şahsiy vertolöt qazağa oğradı. Vaqia neticesinde üç adam elâk oldı.
Qaza açıq meydanda, «Aqmescit-Aluşta» avtomobil yolundan 200-300 metr uzaqlığında yüz berdi.
Vertolötta eki yolcu bar edi: 1965 senesi doğğan aqay kişi ve 1984 senesi doğğan qadın elâk oldı.
Fevqulade vaziyetler nazirliginiñ Qırım idaresi matbuat hızmetiniñ bildirgenine köre, qaza yüz bergen yerde qıdıruv-qurtarıcı işler alıp barıldı, neticede üçünci elâk olğan aqay kişi ve vertolöt parçaları tapıldı.
Qurtarıcılarnıñ malümatına binaen, tahminlerge köre, vertolöt Yaltadan çıqtı ve Qarasuvbazar (Belogorsk) tarafına kete edi.