Noyabrniñ soñu ve qışnıñ başı Qırım yarımadasında suvuq ve qarlı olacaq. Noyabr 28-29 künleri Qırımda şiddetli yağmurlar, qar yağacağı, buzlavuq olacağı beklenile.
Bu aqta Qırım gidrometeorologik merkezi bildire.
Sinoptiklerniñ malümatına binaen, yarımadada dekabr 1-de gece ava arareti -8 dereceni teşkil etecektir. Bundan da ğayrı, afta devamında saniyede 25 metr suratınen şiddetli yel esecek.
Noyabr 29-da: Bulutlı ava. Gece yağmur ve qar yağacaq. Yollarda buzlavuq olacaq. Yel suratı saniyede 10-15 metrni teşkil etecek. Gece ve kündüz ava arareti -1…+1º olacaq.
Noyabr 30-da: Bulutlı ava. Bazı yerlerde qar yağacaq. Yollarda buzlavuq. Ava arareti gece -4..-6º, kündüz -1…-3º olacaq.
Dekabr 1-de: Bulutlı ava. Yağanaqlar olmaycaqtır. Yollarda buzlavuq. Ava arareti gece -7…-9º, kündüz -1…+1º teşkil etecek.
Foto: Milina Soroka
