Aqyardaki mahkeme qararlarını işke tüşürgen hadimler eki yabancı vatandaşnı devlet sıñırına qadar ozğardı.
Aqyar boyunca Mahkeme qararlarını işke tüşürgen hadimler Federal hızmeti matbuat hızmetiniñ bildirgenine köre, eki qaçaqnıñ Rusiye Federatsiyası territoriyasında bulunması, mahkeme qararına binaen, qanunsız tanıldı.
Rusiyede bulunma nizamını bozuv sebebinden olarğa qarşı devletten tış mecburiy memuriy çıqarmanen beraber, cezalar qullanıldı.
Mahkeme qararlarını işke tüşürgen hadimler kerekli vesiqalarnı azırladı ve Moskva-Taşkent seferine biletler aldı, dep bildire «İskra».
Aqyardaki mahkeme qararlarını işke tüşürgen hadimler Orta Asiyalı musafirlerni «Şeremetyevo» ava limanınıñ sıñır kontrol noqtasına qadar ozğardı. Endi sürgün etilgen Özbekistan vatandaşlarınıñ Rusiyege kirişi beş yıl müddetine sıñırlandı.
