Aqmescitte qoyulacaq naratnıñ fiyatı 7 millionnı teşkil etecek

01.12.201610:05

Dekabr 19-da Aqmescitte yañı yıl naratı qoyulıp başlaycaq.

Bundan evel şeer merkezinde qoyulğan narat demiryol vokzalı yanındaki meydanğa keçirilecek.

Bu aqta Aqmescit memuriyeti yolbaşçısınıñ birinci muavini Sergey Krutsük bildirdi.

Onıñ sözlerine binaen, bundan evel Aqmescitniñ baş meydanında turğan narat endi nalâyıq oldı. Bunıñ içün şeer akimiyeti yañı soyunı satın aldı, dep bildire «RİA Krım».

Rusiyeden ketirilecek terekniñ fiyatı 4,1 million rubleni teşkil ete. Daa 3 million ruble narat oyuncaqları içün kerek olacaq.

Bunen beraber, Krutsük bildirdi ki, daa bir şeer naratı Gogol ve Puşkin soqaqlarınıñ çatışmasında qoyulacaq. Bu yerde, keçken sene kibi, Vologdadan ketirilgen terek qoyulacaq.

Фото аватара

Автор: Редакция Avdet

Редакция AVDET