Qırımda bala doğurğan qadın vefat etti, onıñ aqrabası ekimlerni qabaatlay

02.12.201612:40

Aqmescitte 29 yaşındaki Zore Suleymanova, balanı doğurğanından üç künden soñ, vefat etti.

Vefat etken qadınnıñ soyu Meryemniñ sözlerine binaen, Zoreniñ sıcağı köterildi, sağ ayağı şişti. Eki künden soñ o, Aqmescitteki 2-ci loqsahane ginekologiya bölügine alıp ketirildi, o yerde sebepler belgilenmedi ve qadın «keskin pielonefrit» diagnozı ile 7-ci şeer hastahanesiniñ urologiya bölügine yollanıldı, dep bildire «Millet».

Meryem Medinanıñ qayd etkenine köre, 7-ci şeer hastahanesinde, em de 6-cı şeer hastahanesinde, Semaşko adına ve infektsion hastahanelerde Zore Suleymanovanı qabul etmediler. Loqsağa sıcaq tüşürgen ve ağrı yoq etken ilâc içmege tevsiye etildi.

Aqrabanıñ sözlerine binaen, bundan soñ qadınnı Semaşko adına hastahaneniñ revmatologiya bölügine yatqızıldı. Çoq vaqıt keçmeden, onıñ alı yaramaylaştı ve qadın 8 künden soñ vefat etti.

Zoreniñ 4 yaşındaki oğlu Renat ve yañı doğğan qardaşı alâ daa anasını hastahaneden bekley.

Zoreniñ aqayı Marat Suleymanov prokuraturağa muracaat etti.

Фото аватара

Автор: Редакция Avdet

Редакция AVDET