Ukraina İnterpol vastasınen skit altınını qaytarmağa istey

05.12.201611:25

Ukraina İnterpolğa Kiyevdeki Peçer rayon mahkemesiniñ «Qırım – Qara deñizde altın ada» sergisiniñ müzey eksponatlarını yaqalama aqqında qararını yolladı.

Peçer rayon mahkemesi müzey eksponatlarını 2016 senesi iyün ayında yaqaladı ve vesiqalarnı Felemenk prokuraturasına yollaycağı aqqında söz bergen edi.

«Qırım – Qara deñizde altın ada» sergisini 2014 senesiniñ başında, Qırım Rusiyege qoşulmazdan evel, Amsterdamğa ketirildi. Sergi eksponatları skit altından ibarettir.

Qırımda referendum keçirilgen soñ, altın sergisi taqdim etilgen Felemenkteki Allard Pirsonnıñ müzeyi eksponatlarnı ne Ukrainağa, ne de Qırımğa, mahkemeciniñ qararı ya da eki taraf arasında añlaşma qabul etilecegine qadar, teslim etmemek qararını aldı.

Amsterdam okrug mahkemesiniñ «skit altınını» işi boyunca nevbetteki toplaşuvı tahminen dekabr 14-te keçirilecek. Toplaşuvda netice çıqarması ve qararnı ilân etmesi planlaştırıla.

Author: Редакция Avdet

Avdet gazetası