Bugün, dekabr 6-da bir qaç qırımtatar faaliniñ adliyecisi Nikolay Polozov öz doğğan kününi qayd ete.
Mahkeme binası yanında toplaşqan qırımtatarlar onı hayırladı.
Böyleliknen, birinci söz qırımtatar milliy areketi veteranı Veciye Kaşkağa berildi. O, imayecige sağlıq tilep, öz elinen yapqan tamğalı köbeteni ediye etti.
Qırımtatar milliy areketiniñ faali Nariman Celâl toplaşqanlar adından adliyecige üstünde #FreeUmerov ve #FreeChiygoz yazısı olğan futbolkalar ve tamğalı boyunbağ bağışladı.
Bunen beraber, Nariman Celâl oña fahriy yarlıq taqdim etti.
İlmi Umerov Polozovğa Valeriy Vozgrinniñ «Qırımtatarlarnıñ tarihı» dört tomluq kitabını ediye etti. Bundan da ğayrı, qırımtatarlar adliyecige diger bahşışlarnı da bağışladı.
Avdetniñ bildirgenine köre, evel Ahtem Çiygoznıñ adliyecisi Nikolay Polozovğa, qırımtatarlarğa qol tutqanı içün, milliy qalpaq ediye etildi.
Foto ve video: Ayşe Umerova
