2016 senesi dekabr ayında gripp hastalığı ziyadeleşkeni sebebinden üç Keriç mektebiniñ beş sınıfında oquv ceryanı toqtatıldı.
Rospotrebnadzor matbuat hızmetiniñ bildirgenine köre, Qırımda gripp ve ORVİ hastalıqlarınıñ ğayrı epidemik seviyesi qayd etile. Mütehassıslar haber ete ki, keçken afta içinde hastalanma seviyesi 18 faizğa arttı.
Bu vaqıt devamında 7509 kişi hastalandı, bu ise epidemik seviyeden 30% azcadır.
Avdetniñ evel bildirgenine köre, Qırımnıñ Yedi Quyu rayonındaki köylerde balalar mekteplerde ve bala bağçalarında suvuqtan qıynala.
