Qırımtatar aktörı, rejissör, stsenarist, Qırımda nam qazanğan artist Ahtem Seytablayev «Eñ yahşı aktör» namzetliginde 2016 senesi «Teletriumf» mukâfatını aldı.
«Televizion filmi / serial aktörı (aqay kişi rolünı icra etken)» namzetliginde Mihail Jonin («Nevbetçi ekim», «Ukraina» telekanalı), Vladimir Zelenskiy («Halqnıñ hızmetçisi», «Kvartal 95») ve Ahtem Seytablayev («Boysunmağanlar. Vasil Stus», «STB» telekanalı) yarışlaştı.
«Boysunmağanlar. Vasil Stus» qısqa filmi – Mustaqillik yubileyine bağışlanğan filmlerdendir. Film, ukrain şairi ve dissidenti Vasiliy Stus aqqında añlata, o, açlıq ilân etken soñ, apishanede vefat etti, diger versiyağa binaen, o, közeticiler tarafından öldürilgen.
